Alokabide aurtengo udan 17.000 etxebizitza baino gehiago kudeatzera iritsi da, eta Euskadiko alokairu publikoaren arloan erreferente izaten jarraitzen du. Halaber, beste mugarri batera iristen ari da: 1.000 zuzkidura-bizitoki izatera, hain zuzen ere. Formula berritzaile horrek behar espezifikoak dituzten kolektiboentzako bizileku-erantzuna indartzen du.
Hazkunde horrek agerian uzten du Alokabidek duen gaitasuna gizarteko aldaketetara egokitzeko eta hurbileko, arrazoizko eta kalitatezko alokairu-zerbitzua eskaintzeko, Etxebizitzaren Legearen printzipioekin bat.
25 urtez, Alokabide Eusko Jaurlaritzaren Etxebizitza Sailarekin batera lankidetzan aritu da kudeaketa-eredu integrala, jasangarria eta inklusiboa sustatzeko. Kudeatzen dituen etxebizitza-parkeek gizarte-profilen aniztasunari erantzun eta berrikuntza eta jasangarritasuna uztartzen dituzte.
Hori guztia, alde batera utzi gabe Alokabideren helburu nagusia: ahalik eta zerbitzu onena eta etengabeko hobekuntza eskaintzea, pertsona orok etxebizitza duina eskuratu dezakeela bermatzeko.
Etorkizunari begira aurrera jarraitzen dugu, indartsu, gogor eta ilusioz beteta.
Ikusi albiste guztiak
