Zuzkidura-bizitokien eraikin hori Zarauzko Salberdin kalea 5 helbidean dago, eta 60 etxebizitza ditu, honela banatuta:
- Logela bakarreko 57 etxebizitza, horietatik hiru mugikortasun urriko pertsonentzat egokituta.
- Bi logelako hiru etxebizitza.
Ezaugarri teknikoei dagokienez, etxebizitza guztiek dituzte garaje-plaza eta trastelekua. Zoru erradiatzaile bidezko berokuntza-sistema dute. Horrez gain, bizikletak aparkatzeko lekua ere badago atarian, etxebizitza guztietako bizikletak uzteko behar adinako lekuarekin.
Ekintza horren eta erakunde arteko lankidetza-politiken bidez, Eusko Jaurlaritzaren Etxebizitza eta Hiri Agenda Sailak lanean jarraitzen du Euskadiko alokairu publikoaren eskaintza areagotzearen eta sendotzearen alde. Aurrerago, Alokabidek eraikineko mantentze-lanak eta errentamenduaren kudeaketa-lanak gauzatzen lagunduko du.
Ikusi albiste guztiak
