Gaur, urriak 8, Lasarte-Oriako Udalaren (Gipuzkoa) jabetzako 14 etxebizitza babesturen errentamendu-kontratuak sinatu dira, eta Alokabidek kudeatuko ditu.
Joan den urtarrilean sinatu zen "UDAL-VPO" hitzarmena, errentamendua kudeatzeko baldintzak ezartzen zituena.
Etxebizitzak Hernaniko Bidea kaleko 6 eta 8 zenbakietan daude. Bi eta hiru logelatan banatuta daude, eta mugikortasun urriturako egokitutako etxebizitza bat dute. Guztiek dute garaje-plaza eta trastelekua. Berokuntza-sistema zentrala du.
Etxebizitzen entrega berri horrek Alokabidek kudeatutako parkea handitzen du, eta hortik lanean jarraitzen dugu Euskadiko herritarrei alokairu publikoaren eskaintza hobetuko duten ekintzak bermatzeko.
Ikusi albiste guztiak
