Gizarte alderdia
Alokabideren etxebizitza-parkea kudeatzean gizarte alderdia indartzea, aurrea hartuz, gidatuz, lagunduz eta behar sozialetara egokituz, bizitegi-esperientzia inklusibo eta ekitatiboagoa izate aldera.
Laguntza soziala
Alokabide hainbat arlo lantzen ahalegintzen da, esate baterako:
- Etxegabetzeen aurkako protokoloaren irismenean sakontzea
- Maizterren kudeaketa ekonomikoan laguntza-proiektu berriak garatzea
- Maizterren zorren kudeaketa integralean laguntza eskaintzea
- Alokairuko etxebizitza babestuen parkeko gizarte eta hezkuntza arloko laguntza finkatzea
- Etxebizitza eman aurretiko esku hartzeko proiektuak/ekimenak sustatzea (bizikidetza egokirako prebentziozko ekintzak eta etxebizitzak ondasun erkide gisa zaintzeko kontzientziazioa)
Komunitateko kudeaketa
Alokabidek espazio komun, garaje, elementu erantsien eta abarren erabilerari ekiten dio; horretarako, elkarlaneko jarduketa-protokolo bat du, erabilera desegokirik egon ez dadin eta bizikidetza hobetzeko, gure egoiliar guztientzako giro segurua eta elkarlanekoa sustatuz.
Erakundeekin lankidetza
Alokabidek lankidetza-hitzarmenak ditu beste erakunde batzuekin (elkarteak, irabazi-asmorik gabeko erakundeak, eta abar), eta haiei etxebizitzak lagatzen zaizkie beren proiektua garatu ahal dezaten. CEAR, Gurutze Gorria edo Bizitza Berria, besteak beste, hitzarmen horietaz baliatzen dira, eragin soziala hedatu eta gehien behar dutenei etxebizitzarako sarbidea errazte aldera, Euskadin laguntza-sarea eta zerbitzu komunitarioak indartuz.
Egoera berezietarako etxebizitzak lagatzea:
- Gizarte proiektuek eragindako eskariari erantzuteko etxebizitzak lagatzea (errefuxiatuak, gizarte erakundeak, beste erakunde batzuk...)
- Larrialdi-egoerei erantzuteko etxebizitzak lagatzea (suteak eta abar).
- Etxebizitzari lotutako gizarte larrialdi handiko egoerei modu iragankorrean eta berehala erantzuteko etxebizitza-parke txiki bat egon dadin proposatzea.
