Kontratuan zehar egin beharreko izapideak

Pertsona errentariaren eta etxebizitzaren pertsona errentatzailearen (Alokabide, Eusko Jaurlaritza, udala…) artean sinatutako kontratuan finkatzen dira errentamenduaren baldintzak. Kontratu guztiak sinatzen diren uneko araudiaren mende daude, eta urteetan araudia aldatu dela kontuan hartuta, desberdintasunak ikus daitezke kontratuen artean. Adierazitakoa kontuan hartuta, atal honetan informazio orokorra ematen da, eta lagungarria izan badaiteke ere, sinatutako kontratuan adierazitakoak balio du beti.

Kontratua indarrean dagoen denboran, hainbat izapide egin beharko dituzu:

Banakako zerbitzuen eta gastu nagusien ordainketa

Maizter gisa, etxebizitzak dituen elektrizitate, gas, ur bero eta hotz, berokuntza , telefuntzono edo bestelako zerbitzuak eta hornidurak ordaindu beharko dituzu, bai banakako zerbitzuak (kasu horretan, zuzenean ordaindu beharko zaizkio konpainia hornitzaileari), bai zerbitzu komunitarioak (kasu horretan, Komunitatearen bitartez kudeatuko dira, Alokabideren esku-hartzearekin edo gabe).

Berreskurapenak

Hilerokoa ordaintzen ez bada, dagokion ordain-agiria bidaliko da banku-erakundearen bulegoetara, ordainketa egiteko. Ordainketa agiria jaso ez baduzu, 944 044 708 telefonoan eskatu edo zure ordainketa webaren bidez kudeatu dezakezu.

Dokumentazioa aurkeztea

Errentamendu-kontratuak irauten duen denboran, dokumentazioa eskatuko dizugu kontratuko baldintzak betetzen dituzula egiaztatzeko (dokumentazio ekonomikoa, errolda, aseguruaren ordain-agiria eta beste batzuk).

Dokumentazio hori eskatzean, adierazitako epeak bete beharko dituzu.