Laburpena
Kudeaketa
Memoria
2023
Scroll
01 Alokabide
Eusko Jaurlaritzaren mendeko sozietate publikoa gara, alokairu politikaren bidez etxebizitzaren funtzio soziala garatzeko.
Eginkizuna: zertarako gaude
Arrazoizko alokairuaren bitartez (errentamendua eta prestazioak) behar duten kolektiboen etxebizitza beharrak asetzen direla bermatzeko zerbitzuak ematea; ildo horretatik, berrikuntzaren bidez bizigarritasun, bizikidetza, jasangarritasun eta digitalizazioaren baldintzak hobetzen dira eta Etxebizitzaren Gida Planeko helburuei erantzuten zaie.
Eginkizuna: norantz goaz
EAEn funtsezko eragile izatea etxebizitzaren politika publikoa garatu eta egikaritzeko. Etxebizitzaren Gida Plana betetzen lagunduko du, produktuen eta zerbitzuen zorro egokia egonkortu ondoren, Europa-mailan erreferentzia bihurtzeko.
Balioak: nola egiten dugu lan
Etxebizitzaren Gida Planak jarduteko balio eta printzipio zehatzak definitzen ditu, eta Alokabidek bere egiten ditu. Hona hemen horiek:
Pertsonak
- Pertsonak erreferentzia estrategiko gisa
- Alokairu-kultura eta gizartearen bizimodu berriak
- Aniztasuna eta tolerantzia
- Energia-pobreziaren aurkako borroka
- Finantzaketa nahikoa
- Fiskalitate progresiboa
- Ingurumen-kontzientziazioa
Parke Eraikia
- Birgaitze integralaren kultura
- Kalitatea, berrikuntza eta jasangarritasuna
- Irisgarritasun unibertsala eta bizigarritasuna
- Industrializazioa eta digitalizazioa
- Enpleguaren kalitatea eta lanbide-prestakuntza
Gobernantza
- Inbertsioa etxebizitza babestuan
- Zerbitzu publikoa eta lidergoa
- Administrazio-sinplifikazioa eta -arintasuna
- Gardentasuna, partaidetza eta etengabeko ebaluazioa
- Lankidetza publiko-pribatua
- Genero-ikuspegia
2023ko Mugarri Nausiak
- Bizigune Programan 7.300 etxebizitza.
- Bizikidetzarako Bitartekaritza Zerbitzua ezartzea.
- Zuzkidura-bizitokiko eraikinetan atezaintzaren, espazio komunen kudeaketaren, lagatzaileen arretaren eta oinarrizko mantentze-lanen zerbitzua egonkortzea.
- Parke propioko lehenengo etxebizitza-sustapenen erosketak finantzatzeko sinatu zen banku-zorra aurrerapenez kitatzea.
- Lehenengo Europako proiektua Alokabideren partaidetzarekin: Happening
Gure estrategia
2021-2024 aldirako Plan Estrategikoa dugu, 2021-2023 aldirako Eusko Jaurlaritzako Etxebizitzaren Gida Planarekin eta 2021-2036 aldirako Etxebizitzaren aldeko Itun Sozialarekin lerrokatuta.
2023ko abenduan ardatz bakoitzaren betetze-maila honako hau da:
1. ardatza
2. ardatza
3. ardatza
02 Gizarte-konpromisoak
- Gobernu arduratsua, barne-kontrola eta gardentasuna
- Ingurumena zaintzea
- Datuak Babesteko Europako Araudia
- Kapitalak zuritzearen prebentzioa eta delitu penalen detekzioa
- Gazteak laneratzen laguntzeko
- Berdintasuna laguntzea
- Euskararen normalizaziorako kudeaketa eta erabilera
- Tokiko erkidegoan egindako inbertsioak
- Proiektu solidarioetan lankidetzan aritzea
Kanpo-ekintza
Alokabidek gidatutako proiektuak
- Egoitza-bazterketa Larriaren aurkako II. Euskal Estrategia
- Inklusiorako V. Euskal Plana, 2023-2026
- BIKIA: Euskal alokairu publikoa eraginkortasun handiagoz kudeatzeko biki digitala
- HAPPENING: proiektu pilotua Europako hiru kokagunetan (Euskadi, Italia eta Austria), zeinetan ingurumenaren eta energia-efizientziaren ikuspegitik etxeko ur beroa eta berokuntza sortzeko bero-ponpa deszentralizatuaren onurak testatu eta frogatu nahi diren.
Alokabideko langileek irakasle gisa parte hartu dute honako hauetan:
- Etxebizitza Publikoko 3. Masterra 2023
- Finka-administrazioetako kolektiboarekin prestakuntza-jardunaldiak
- Arartekoaren Udako Ikastaroak
- EHUko udako ikastaroa
Azoka, foro eta kongresuetan ere aktiboki parte hartu dugu.
03 Bezeroak
Gure bezeroen tipologia askotarikoa da:
- Alokairuko etxebizitzen adjudikaziodunak
- Alokairuko etxebizitzen maizterrak
- Alokairu sozialerako etxebizitzak lagatzen dituzten jabeak (Bizigune eta ASAP programaren bidez)
- Etxebizitzak lagatzen dizkiegun erakundeak eta instituzioak
- Udalak, Eusko Jaurlaritza eta beste erakunde batzuk beren etxebizitzen parkea kudeatzeko
- Alokairurako etxebizitzak lagatzen dizkiguten finantza-erakundeak
- Maizterren komunitatea
- Etxebizitza librearen alokairurako laguntzak eskatzen dituzten gazteak (Gaztelagun Programa)
- Etxebizitza libreetako maizterrak, qpandemiaren ondorioz egoera ekonomiko zaila dutelako, alokairurako laguntzaren onuradun izan direnak (alokairu librerako laguntzak)
- Eta, oro har... herritar guztiak
Telefono bidezko
zerbitzua
Aurrez aurreko arretarako
bulegoak
Erakundearen
webgunea
Korporazioko
posta elektronikoak
Harremanetarako
web formularioa
SMS mezuak
sakelako telefonoetara
Chatbota
Arretarako beste eremu batzuekiko koordinazioa:
KzGunea, Kontsumobide,
Zuzenean, Arartekoa...
Jasotako
mezu elektronikoak
Bidalitako
mezu elektronikoak
Web formularioaren
bidezko kontsultak
Chatbotarekin
izandako interakzioak
Gure webgunera
bisitak
Bidalitako SMSak
Jasotako deiak
Aurrez aurreko
arreta-kudeaketak
Jasotako
mezu elektronikoak
Bidalitako
mezu elektronikoak
Web formularioaren
bidezko kontsultak
Chatbotarekin
izandako interakzioak
Gure webgunera
bisitak
Bidalitako SMSak
Jasotako deiak
Aurrez aurreko
arreta-kudeaketak
Bezeroen asebetetze-datuak:
Telefono-zerbitzuaren bidez:
5etik 4,8
Jasotako arretaren
inguruko asebetetzea
5etik 4,5
Kudeaketaren ebazpenaren
inguruko asebetetzea
Artatutako deien %14k erantzundako ausazko inkestak.
Harrerak zerbitzuaren bidez:
5etik 4,8
Harrera
5etik 4,7
Jasotako
informazioa
5etik 4,5
Asebetetze
orakorra
Neurketa horiek egin ostean, horien ondoriozko ekintzak eta proiektuak landu dira, betiere esperientzia hobetzera bideratuta.
04 Pertsonak
Giza taldea
149 personaz osatutako taldea dugu, 6 arlo funtzionaletan banatuta.
05 Gure Jarduera
Proiektu teknikoak eta birgaitzea
Proiektu teknikoak
2023 ekitaldian berrikusi diren proiektuen kopurua, eta horien etxebizitza baliokidea, honako hau izan da:
| Kontzeptua | Alokairu | Gobierno Vasco | VISESA |
|---|---|---|---|
| Proiektuak | 1 | 1 | 7 |
| Etxebizitzak | 6 | 19 | 705 |
Birgaitzea
2023ari begira, nabarmen aurreratu ditugu Ortuellako sustapen baten birgaitze integraleko obrak;, 8 etxebizitzako eraikina da, eta 684.452,55 euroko aurrekontua du.
Aldi berean, 2023an, Amurrioko beste sustapen bateko birgaitze integralerako obra-lizentzia eskatu dugu, 3 bloketan banatutako 21 etxebizitzatarako, eta 2.891.088,22 euroko inbertsioa aurreikusten da horretarako.
Higiezinen aktiboak
2023an zehar, 3 sustapen jarri ditugu abian eta eman ditugu, eta, ondorioz, 95 etxebizitza sartu ditugu Alokabidek kudeatzen duen parkean.
| Parkea | Sustatzailea | Lurralde Historikoa | Deskribapena | Kopurua | Emate data erreala | A energia-kalifikazioa |
|---|---|---|---|---|---|---|
| ALO | VISESA | Gipuzkoa | Azkoitia 14 | 14 | 2023/01/16 | A |
| ALO | Terceros | Araba/Álava | Castilla 11 | 11 | 2023/01/31 | D |
| ALO | VISESA | Gipuzkoa | Arrasate 70 | 70 | 2023/09/28 | A |
| Guztira | 95 |
Alokabideren, Jaurlaritzaren, Hirugarrenen Parkearen (kudeatzeko babes publikoko etxebizitzak lagatzen dizkiguten udalak) eta Bizigune eta ASAP programen bidez sartutako etxebizitzen guztizko kopurua honako hauek dira:
| Mota | ARABA/ÁLAVA | BIZKAIA | GIPUZKOA | Guztira |
|---|---|---|---|---|
| Bizigune | 859 | 4.529 | 1.998 | 7.376 |
| Alokabide | 2.878 | 827 | 1.043 | 4.748 |
| Jaularitza | 601 | 2.078 | 1.211 | 3.890 |
| Hirugarrenak | 0 | 12 | 99 | 111 |
| ASAP | 16 | 56 | 40 | 112 |
| GUZTIRA | 4.354 | 7.502 | 4.381 | 16.237 |
Eremu komunetako/eraikinetako prebentzio-jarduerak
510 prebentzio-jarduera egin dira (kanpoko-legezkoak 193 eta barneko-borondatezkoak 317), 952.792,48 euroko gastuarekin.
| Mota | ARABA/ÁLAVA | BIZKAIA | GIPUZKOA | Guztira |
|---|---|---|---|---|
| Kanpoko prebentiboa | 86 | 37 | 70 | 193 |
| Barneko prebentiboa | 96 | 126 | 95 | 317 |
| GUZTIRA | 182 | 163 | 165 | 510 |
Eremu komunetako/eraikinetako jarduera zuzentzaileak
1.130 jarduera zuzentzaileri erantzun zaie, 895.036 euroko gastuarekin.
| Lurralde | ARABA/ÁLAVA | BIZKAIA | GIPUZKOA | Guztura |
|---|---|---|---|---|
| GUZTIRA ZUZENTZAILEA | 426 | 448 | 256 | 1.130 |
Eremu komunen/eraikinen harreman Zuzentzailea/Prebentiboa
Alokabideren Mantentze Planaren helburua prebentiboan gero eta gehiago inbertitzea da eta zuzentzailean gero eta gutxiago, , bi kontzeptuen batuketa urtero aurrekoa baino txikiagoa izan dadin.
| Mota | ARABA/ÁLAVA | BIZKAIA | GIPUZKOA | Guztira |
|---|---|---|---|---|
| Gastuak ZUZENTZAILEA | 383.317,94€ | 209.410,48€ | 299.698,44€ | 892.426,80€ |
| Gastuak KANPOKO PREBENTIBOA | 300.611,86€ | 332.556,95€ | 286.777,71€ | 919.946,52€ |
| Gastuak BARNEKO PREBENTIBOA | 12.537,22€ | 11.975,94€ | 8.332,80€ | 32.845,96€ |
| GUZTIRA | 696.467,02€ | 553.943,37€ | 594.808,95€ | 1.845.219,34€ |
| ZUZENTZAILEA / PREBENTIBOA ratioa | 1,22€ | 0,61€ | 1,02€ | 0,94€ |
2023an artatutako gorabehera teknikoak
24.990
2023an prestatutako etxebizitzak
826
2023an kudeatutako txosten teknikoak
1.602 txosten tekniko
Komunitateen kudeaketa
Komunitateak eta Finka-Administratzaileak
2023an, auzokideen 680 komunitate kudeatu ditugu, 349 etxebizitza-sustapenetan sartuta eta Euskadiko hiru lurraldeetan banatuta.
Harremanetan gaude eta 213 finka-administraziorekin ere izan dugu harremana.
Sistema zentralizatua eta autokudeaketa
349 sustapenetatik, 110 sustapenek ur bero sanitarioko sistema zentralizatua eta berokuntza zentrala dute. 110 sustapen horietatik (5.464 etxebizitza),
Etxebizitza mobilizatzea
BIZIGUNE Programa
Bizigune Etxebizitza Hutsen programaren bidez, Alokabidek alokairu babestuaren merkatuan sartzen ditu etxebizitzak, hutsik dauden etxebizitza horiei guztiei erabilera soziala emateko eta Etxebide Etxebizitzaren Euskal Zerbitzuan izena emanda dauden pertsonei eta familiei sarbidea errazteko.
Kudeatutako etxebizitza kopuruak gora egin du; aurten 433 gozamen-kontratu berri formalizatu dira.
7.376 kudeatutako etxebizitzak
2023an kontratua iraungi zitzaien etxebizitzen jabe diren pertsonen edo familien %82,92k 6 urterako berritu dute.
ASAP Programa
ASAP programak (Alokairu Segurua, Arrazoizko Prezioa - Alquiler seguro a precio Razonable) helburu nagusitzat du titulartasun pribatuko etxebizitza hutsak maizterrentzako arrazoizko prezioan alokairuaren merkatuan sartzea.
ASAP esku-hartze programako Agente Laguntzailea den aldetik, Alokabidek
112 etxebizitza kudeatzen ditu
Etxebizitza sartzeko hitzarmenak eta lankidetza-hitzarmenak
Alokabidek hainbat hitzarmen eta akordio ditu udalen eta beste erakunde batzuen lankidetza eta etxebizitzen lagapena kudeatzeko. Horien bidez, etxebizitza hutsen programen kudeaketa indartu eta hobetzen da udalerrietan, eta, gainera, udalerri horietako etxebizitza hutsak mobilizatzen laguntzen du.
Lankidetza Hitzarmenak BOE 1
Hirugarrenen parkea 6
Lankidetza Akordioak 46
Errentamendu soziala
1.567 etxebizitza adjudikatu dira
970 kontratu sinatu dira (%61,90)
Bestalde, etxebizitzaren funtzio soziala garatuz eta babes publikoko etxebizitzen araubide juridikoari eta etxebizitzaren eta lurzoruaren inguruko finantza-neurriei buruzko martxoaren 4ko 39/2008 Dekretuaren 12. artikuluan ezarritako xedapen arauemailearen arabera, 2023an zuzeneko 110 etxebizitza-adjudikazio gauzatu ditugu.
2023an 148 bizitegi-baliabideren kudeaketan parte hartu dugu, gehienbat Hirugarren Sektore Sozialeko erakundeek bultzatu dituzten lagapenetara bideratuak.
| Erakundea | Etxebizitza kopurua |
|---|---|
| Udalak | 24 |
| Aldundiak | 22 |
| Justizia EJ | 3 |
| Erakundeak | 99 |
| GUZTIRA | 148 |
Errealitatea da 2023an zordunen kasuak areagotzen jarraitu direla. Horren ondorioz, berriz ere finantza-ahalegin handia egin behar izan dugu, eta, are garrantzitsuagoa, maizterrekin komunikazio-kanalak indartu behar izan ditugu, beren finantza-zailtasunak azaltze aldera gune bat prestatzeko, balizko konponbideak aztertzeko eta erabakiak modu informatuan hartzeko, betiere epe luzera kontratu-harremana arriskuak jarri gabe etxebizitzaren jasangarritasuna ahalbidetzeko.
402 Onetsitako errenta bereziak.
1.186 Sinatutako ordainketa-akordioak.
3.995 Kudeatutako zordunen kasuak.
2023an, birkokatzeko 780 eskaera kudeatu ditugu, eta, horietatik, izapidetutako erdia baino gehiago gauzatu dira.
| BIRKOKAPEN-ESKAERAK LURRALDEAREN ARABERA | ARABA/ÁLAVA | BIZKAIA | GIPUZKOA | GUZTIRA |
|---|---|---|---|---|
| GUZTIRA | 180 | 419 | 181 | 780 |
2023an zehar banakako laguntza eta esku-hartzea behar izan duten kasu gehiago izan ditugu, eta horrek adierazten digu gizartearen multzoan hautematen ari garen aldaketen paraleloko bilakaera gertatzen ari dela.
256 Kudeatutako gizarte-laguntzaren kasuak.
1.148 Kudeatutako bizikidetza-gorabeheren kasuak.
85 Bizikidetza-unitateak hezkuntza-zerbitzuarekin.
6 Sustapen berriak entregatzean laguntzeko heziketa-proiektuak.
6 Gatazkak dituzten sustapenetan esku hartzeko heziketa-proiektuak.
19 Gatazkak izateko arriskua duten sustapenen diagnostikoa eta zuzeneko esku-hartzeak.
10 Elementu komunak betetzearen egoeretan esku-hartzea.
300 Komunitateko erreklamazioetan zuzenean esku hartzea eta eustea.
2023an, Alokabidek kudeatutako parkeen alokairuko 968 kontratu azkendu dira. Horietatik, 572 berritu dira, 102 kudeatzen ari dira, 49 bajan eman dira eta 245ek kontratu berria sinatu dute beste etxebizitza batean.
Bestalde, kontratuen 1.467 baja kudeatu dira, eta horietatik 464 azkendu baino lehenago eman dira; gehien errepikatu diren arrazoiak izan dira etxebizitzaz aldatzea, maizterren heriotza edo araudiak ezarritako sarrerak gainditzea.
Etxebizitzak alokatzeko laguntzak
Gaztelagun programa
2023. urtean Gaztelagun Programa egonkortu da. Bestalde, Gaztelagun programa behin betiko konfiguratzeaz gain, garrantzitsua izan da etxebizitzako prestazio ekonomikoaren gehieneko zenbatekoa 275 eurotik 300 eurora handitu izana. Horri esker, 2023an izandako eskaerak, 2022. urtearekin alderatuta, %2 igo dira, guztira 5.666 izan arte.
| 2023 | Araba/Álava | Bizkaia | Gipuzkoa | GUZTIRA OROKORRA |
|---|---|---|---|---|
| Egindako eskaerak | 963 | 3.092 | 1.611 | 5.666 |
| Aldekoak | 396 | 1.360 | 679 | 2.435 |
Kudeatutako espedienteen bolumena etengabe areagotu denez, 2023 ekitaldiaren amaieran laguntza jasotzen ari diren espedienteen kopurua 6.346 da, eta 2022. urtearekin alderatuz %63 igo dira eskaera aktiboak.
Espediente-kopuru hori, aintzat hartuta jatorrizko hartzailea zein bizikidetza-unitateko kideak, guztira onura jaso duten pertsonetara itzulita, 7.526 dira.
2023an Gaztelagun programaren esparruan guztira 18.311.030,74 euro jarri dira, 2022an ordaindutako zenbatekoa baino %108 gehiago.
Alokairu librerako laguntzen programa (COVID-19). 2021eko deialdia.
2023an, osasun-krisiak eragindako ekonomia- eta gizarte-kalteberatasun egoerei aurre egiteko ezarri ziren alokairurako laguntzen 2021eko deialdia kudeatzen jarraitu da. Hala, 2022. urtean egindako ordainketak emandako helbururako erabili direla egiaztatu da: etxebizitzaren errenta ordaintzea edo hipoteka-maileguan zati batean edo oso-osorik kitatzea.
Zehazki, urtearen amaieran, oso egoera kalteberan zeuden pertsonentzako programa osagarriaren barruan, 315 espedienteri ordainagiriak erreklamatzeko azken fasea hasi zen. Izapideak 2024ko lehen seihilekoan amaitzea espero da.
Etxebizitzako prestazio ekonomikoa
2023. urtean alokairurako zerbitzu eta laguntzen sistema berrantolatu eta garatu da; urtean laguntza ematen die 30.000 euskal etxebizitza ingururi, egungo EPO eta EPE-en bidez, baita Etxebizitza bat okupatzeko eskubide subjektiboari buruzko urriaren 10eko 147/2023 Dekretua argitaratzearen bidez. Dekretu horrek laguntzak EPE horretara nola aldatu ezartzen du, baita laguntza hori nola kudeatu eta Alokabidek kudeatzean nola parte-hartu behar duen zehaztu ere.
Barne-euskarrirako zerbitzuak
Alokabideko kudeaketa ekonomiko-finantzarioaren prozesuan politika eta estrategia babesteko baliabide ekonomiko-finantzarioen erabilera eta errendimendua optimizatzen jarraitu da, betiere indarreko legediari erreparatuta eta behar bezala kontrolatzeko nahiz erabakiak hartzeko informazio operatibo eta zehatza erraztuta.
Aurten ere, beharren kontrola eta justifikazioa zaindu dugu, jardueraren igoerarekin bat eta Etxebizitzaren Gida Planaren helburuak betez. Inbertsio handiagoa egin dugu barneko informazioaren eta sozializazioaren teknologietan, zeinek egiten ditugun erosketa guztietan kontratuetarako araudi publikoa zorrozki betetzen dela errazten duten.
14 kontratu txiki 2023an zehar, 13 zerbitzuzkoak eta 1 hornidurazkoa
12 lizitazio 2023an zehar, guztiak zerbitzuzkoak.
Aginte-taula Integral (ATI) berria ezarri da POWER BIn, adierazleen jarraipena hobeto egin ahal izateko.
Era berean, kanpoko auditoretzak gainditu ditugu, eta kudeaketa-sistemetako ISO 9001 (Kalitatea) eta ISO 14001 (Ingurumena) arauetan oinarritutako ziurtagiriak mantendu dira..
Gure informazioaren teknologia-zerbitzu guztiak EJIErantz elkartzeko prozesuari eusten diogu.
Gure funtsezko informazio-sistemei agokienez, hala nola Navision (ERP) eta Salesforce (CRM), funtzionaltasuna hedatzen jarraitu dugu, Alokabideren behar espezifikoak asetzeko, eskaintzen dugun zerbitzuaren kalitatea hobetze aldera.
Horretaz gain, Alokabiden esku hartzen dugu modu aktiboan elkarreragingarritasunaren esparruaren barneko hainbat ekimenetan, eragindako prozesuak optimizatzeko eta zerbitzuak funtzionatzeko beharrezko informazioa trukatzea azkartzeko xedearekin.
Langileek urtean ibilitako kilometroen kopurua konstante mantendu bada ere ibilgailuen flotan erregai tradizionaletatik hibrido entxufagarrietarako trantsizioa egiteak % 6,5eko murrizketa ekarri du erregaien urteko kontsumoan. Ildo horretan bertan, 2023. urtean zehar enpresarentzat garraio jasangarritasuneko Mugikortasun Planerako oinarriak ezarri dira.
Era berean, kontratuen hausteak, legez kontrakoak egitea eta kudeatutako etxebizitza-parke publikoa bidegabe betetzea erreklamatzeko jarduera judizialari ekin diogu. Jarduera-arlo horrek eragin argi eta argia du justizia sozialerako printzipioan; izan ere, ordena publikoa mantentzea bilatzen duten arauak esplizitu egiten ditu, eta herritarren segurtasuna bermatzen du.
| Kontzeptua | Araba/Álava | Bizkaia | Gipuzkoa | GUZTIRA |
|---|---|---|---|---|
| 2023. URTEAN ETXEBIZITZA-PARKEEK JARRITAKO UZTARAZPEN-SALAKETAK | 19 | 41 | 20 | 80 |
| Kontzeptua | Araba/Álava | Bizkaia | Gipuzkoa | GUZTIRA |
|---|---|---|---|---|
| 2023. URTEAN EGINDAKO SUSTAPENAK (2023. urtean eta aurrekoetan hasitako prozedurak) |
21 | 18 | 11 | 50 |
06 Berrikuntza
Alokabizi zerbitzu publiko gisa alokairu sozialeko etxebizitza babestuaren eredu berrirantz bideratutako esparrua da. Ikuspegi berritzailea, jasangarria eta balio soziala sortzen duena aplikatzen duen alokairu sozialeko etxebizitza babestuko parkearen etorkizunerako ikuskera.
