menu close
Ikuspegi estrategikoa
Gizarte-alokairuko etxebizitza babestuaren parkeari dagokion etorkizuneko ikuspegia, ikuspuntu berritzaile eta jasangarriarekin eta gizarte-balioa sortzen duenarekin.
Sustatzailea
Baterako finantzatzaileak
Antolatzailea
Pedro Javier Jauregui
Fernández
Etxebizitza sailburuordea
Gure Etxebizitzari
buruzko Legeak paradigma berriak azpimarratzen ditu, hala
nola alokairu publikoa, eraikitako hiria birgaitzea edo digitalizazioa eta
gizarte-inklusioa, etxebizitzarako eskubidearen inguruko irtenbide
berritzaileetan oinarrituta.
Gizarte-alokairuko
etxebizitza babestuaren trantsizio berri bat dugu aurrez
aurre, eta elkarrekin lotutako hiru palankatan oinarritzen da: eraikinen eta
eraikinotako etxebizitzen efizientzia energetikoa eta klimatikoa, parke publiko
osoaren kudeaketa digitala eta erabilera intentsiboaren gizarte-dimentsioa eta
dimentsio soziosanitarioa. Etxebizitzen I+g+b arloak berrikuntza,
mantentze-lanak eta kudeaketa uztartu behar ditu egiaz jasangarria izateko.
Pablo García Astrain
Etxebizitza, Lurzoru eta
Arkitekturako zuzendaria
Patricia Val Hevia
Alokabideko zuzendari nagusia
Alokabizi esparru
estrategikoan gizarte-alokairuko etxebizitza babestua
eraldatzeko lanean ari gara, etxebizitza eredu berritzailea, jasangarria eta
inklusiboa izan dadin, maizterren gizarte-profila sakon aztertuz eta garapen
pertsonalerako aukerak sortuz Euskadiko trantsizio hirukoitzaren erronka
handiarekin bat: ingurumenekoa, digitala eta soziala.
Eusko Jaurlaritzak ekimen aitzindariak sustatu ditu gizarte-alokairuko etxebizitza babestuak kudeatu eta birgaitzeko orduan. 2017an "Plan ZERO plana" argitaratu zuen, ordurako bazegoen parkean birgaitze energetikorako eta CO2 isurketak murrizteko konponbide berritzaileak bilatu nahian.
Plan horretatik abiatuta jaio zen 2021ean "ZERO Plus" ekimena, gizarte-alokairuko etxebizitza babestuetan ikertu eta berritzeko, etxebizitza klimatikoki neutroa eta berdea garatu asmoz, aro digitalera egokitua eta pertsonen zerbitzura zegoena izateaz gain.
Testuinguru horretan sortu da "alokabizi" esparru estrategikoa, gizarte-alokairuko etxebizitza babestuan trantsizio hirukoitzaren erronkei heltzen diena datorren hamarkadarako. Eredu inklusiboa eta jasangarria nahi da, bizigarritasun-eredu berriak ahalbidetuko dituena zerbitzu publiko digitalei konektatuta, familia-kontziliaziorako eta telelanareko erraztasunak eta kontzientziazio ekologiko handiagoa sustatuko duena.
Xedea da jarrerak aldatzea eta eraikuntzaren eta birgaitzearen sektorean pentsatzeko eta egiteko moduak berbideratzea gizarte-alokairuko etxebizitza babestuaren eredu berri batera, ikuspegi berritzailearekin, jasangarriarekin eta gizarte-balioa sortzekoarekin, pertsonen zerbitzuan eta ongizatean oinarrituta. Balio-kate bideragarria eraldatu nahi da eta lankidetza publiko-pribatuaren bidez eraikinak eta pertsonak biodibertsitatearen inguruan kokatu nahi dira. Eraldaketaren xedea birgaitzea sustatzea da, Alokabidek kudeatzen duen parkearen etengabeko egokitzapen teknologikoko prozesuan, herritarrei etxebizitza duina eskaintzeko, bizitegi-beharrak eta etxebizitza izateko beharrak betez, haren gizarte-laguntzako eginkizunaren ikuspegitik.
NBEren Garapen Jasangarrirako Helburuek pertsona ezartzen dute erdigunean, aurrerapenaren eta planetaren artean oreka lortzeko asmoz.
Jarduteko 3 arlo identifikatu ditugu heldu nahi diegun gizarte- eta ingurumen-arloko erronken arabera:
arrow_forward
planeta
arrow_forward
aurrerapena
alokabizi laburpena
Tresna nabarmenak edo arrakasta-kasuak
alokabizi jasangarria
Etxebizitza malguak, osasungarriak, erosoak eta naturalizatuak honako ezaugarri hauekin:
arrow_forward
teknologia egokia eta erabiltzailearekin lerrokatua
arrow_forward
parkearen deskarbonizazioa
arrow_forward
diseinu eta sistema sendoak, eraikitzeko, aritzeko eta mantentzeko kostua egokia izan dadin
arrow_forward
bizi-zikloa eta industrializazioa
alokabizi digitala
Gizarte-alokairuko etxebizitza babestuaren parke digitalizatua, honako hauek egin ahal izateko:
arrow_forward
datuak denbora errealean lortzea
arrow_forward
kudeaketa-prozesuak automatizatzea
arrow_forward
eraikinen bizi-zikloa eraginkortasunez kudeatzea
arrow_forward
arrisku-egoerak prebenitzea eta zuzentzea
arrow_forward
datu pertsonalen segurtasuna eta pribatutasuna
